Үүнээс шалтгаалж, АНУ-д зорчих Монгол Улсын иргэд аяллын өмнө өөрийн виз, цагаачлалын статус болон зорчих зорилготой холбоотой баримт бичгээ сайтар нягталж, шаардлагатай мэдээллийг биедээ авч явахыг зөвлөсөн байна. 

АНУ-ын Төрийн департаментын албан ёсны мэдээлэлд дурдсанаар хүчинтэй виз нь гадаадын иргэнд улсын хилийн боомт хүртэл зорчих, нэвтрэх хүсэлт гаргах эрхийг олгодог. Өөрөөр хэлбэл, АНУ-д нэвтрүүлэх эцсийн шийдвэрийг тухайн хилийн боомтод ажиллаж буй Хил, гаалийн хамгаалалтын албаны (U.S. Customs and Border Protection - CBP) албан хаагч тухайн иргэний нөхцөл байдлыг бүхэлд нь харгалзан үзэж гаргадаг юм.

Иймд хүчинтэй паспорт, визтэй байсан ч хил, гаалийн хамгаалалтын албанаас зорчигчийн баримт бичиг болон цагаачлалын асуудлыг тодруулах, хууль тогтоомжийн хэрэгжилтийг шалгах, эсхүл санамсаргүй сонголтоор нэмэлт шалгалтад шилжүүлдэг. Тиймээс АНУ-ын хилээр нэвтрэх үед CBP-ийн албан хаагчид шаардлагатай гэж үзвэл зорчигчийн гар утас, компьютер зэрэг цахим төхөөрөмжид шалгалт хийх бүрэн эрхтэй байдгийг анхаарах шаардлагатай аж.

Аяллын өмнө шаардлагатай зүйлс:

  • Паспорт болон визийн ангилал, хүчинтэй хугацаа таны зорчих зорилготой нийцэж байгаа эсэх

  • АНУ-д өмнө нь зорчиж байсан бол зөвшөөрөгдсөн хугацааг хэтрүүлээгүй эсэхийг баталгаажуулах

  • Оюутан болон солилцооны хөтөлбөрийн оролцогчид I-20, DS-2019 зэрэг холбогдох маягтын хүчинтэй байдлыг нягтлах

  • АНУ-д зорчих зорилго, байрлах газар, буцах нислэг, урилга, ажил эсхүл сургуультай холбоотой мэдээллийг тодорхой, үнэн зөв өгөхөд бэлтгэх

  • Өмнө нь визийн нөхцөл зөрчсөн, хугацаа хэтрүүлсэн, цагаачлалын статус өөрчлөгдсөн, баривчлагдсан болон эрүүгийн хэрэгт холбогдож байсан бол аяллын өмнө өөрийн эрх зүйн нөхцөл байдлыг сайтар нягталсан байх.

    • Түүнчлэн 15,000 ам.долларын визийн бонд буюу барьцаа байршуулах шаардлагатай 50 улсын тоонд Монгол Улс өнгөрсөн дөрөвдүгээр сард багтсан. Тодруулбал, АНУ-ын B1, B2 ангиллын визний шаардлага хангасан Монгол Улсын иргэн виз олгохоос өмнө 15,000 ам.доллар хүртэлх хэмжээний барьцаа байршуулах шаардлагатай болсон билээ.

    Эх сурвалж: U.S. Department of State – Visa Information Resources,
    U.S. Customs and Border Protection (CBP) – International Travel and Admissions